Akkommodaasje - Us sealen
Brêge Seal - Roefke Seal - It Rom - It Bopperom | Us ferbliuwen | Fasiliteiten
Yn alle sealen kin in DVD-spiler of in fideo brûkt wurde. Oare fasiliteiten: WiFi: nim jo eigen laptop mei!, Beamer (te hier), televyzjes, dia-apparatuer, muzykinstallaasjes, piano, spultsjeskiste.
Brêge Seal
De Brêge Seal is in rûne, ljochte konferinsjeromte foarsjoen fan alle gemakken.
Der leit in grut terras omhinne. De Brêge Seal wurdt brûkt foar sawol saaklike byienkomsten as foar Zen-meditaasje of in skilderkursus.
Jo kinne hjir rêstich wurkje of gearkomsten hâlde mei in (kursus)groep oant likernôch 30 persoanen. Audiofisuele middels binne beskikber: DVD, Beamer (te hier), fideo, flip-over, overheadprojektor, dia-apparatuer, muzykynstallaasje.
Roefke Seal
Dizze rekreaasjeseal, ynrjochte mei in protte hout, fine jo yn It Roefke. In yntime seal mei fideo en muzykynstallaasje. Grut genôch foar 60 persoanen.
It Rom
Mei-inoar ite yn It Rom, dat heart by de filosofy fan de Folkshegeskoalle. Jo ite tagelyk mei de oare gasten. Wy litte jo graach genietsje fan it goede fan de ierde. Dêrom brûke wy farske yngrediïnten en Skylger natuertsiis, en skinke wy Max Havelaar-kofje. As jo dat wolle, siede wy fegetarysk iten of folgje wy jo dieet.
It Bopperom
In sfearfolle groepsromte mei iepen hurd, piano tv, DVD en muzykynstallaasje, mei in terras op it suden. De romte hat plak foar 80 persoanen en is geskikt foar groepen, kursisten of famyljes dy’t op in noflike wize byinoar wêze wolle.
