Foar wa - Simmerkampen home - Tredde kamp, 14 en 15 jier
10 en 11jier - 12 en 13jier | Opjefte | Fotos besjoen
Tredde kamp, 14 en 15 jier
Hast dyn nocht om mei dyn âldelju op fakânsje te gean?? Kom dan, lykas in hiel soad oaren nei de Folkshegeskoalle op Skylge!! En ast tinkst dat dit kamp allinnich mar út draaf- en balspultsjes bestiet, dan hast dat ferkeard tocht. Kuiers midden yn de nacht, bloedfanatike strategyspullen en as it waar it talit: bakke op it strân en swimme yn de Noardsee. Dat binne mar in pear foarbylden. Mar ek toanielspylje, ymprovisaasje en moardspullen binne oan ’e oarder. De lieding stiet altyd iepen foar suggestjes en ideeën om de wike noch leuker en ôfwikseljender te meitsjen. Do krijst sels de kâns om, yn groepkes, in dei-program yninoar te setten. Dan kinst de lieding foar in kear ris flink te pakken nimme of drave litte. Hat it kampgefoel dy te pakken krigen en liket it dy wol wat, skilje dan mei de Folkshegeskoalle om dy op te jaan of foar mear ynformaasje. Dan sjogge wy dy miskien wol by de haven fan Harns.
datum: |
21–27 augustus 2011 |
lieding: |
Betûfte kamplieding fan 9 persoanen tusken de 20 en 30 jier. |
leeftiid: |
jonges en famkes fan 14 en 15 jier |
kosten: |
€ 275,–– ynklusyf retoerkosten mei fyts, iten, drinken, sliepen en kampkosten , en eksklusyf toeristebelesting (€ 0,85 deis). |
kontakten |
Kamplieding kontaktpersoan: Willem Aukes (till. 06–46061127) |
oantal dielnimmers: |
maksimaal 40 dielnimmers |
tiid en boatreis |
Jim geane mei de fyts op snein nei Harns. Jim treffe de kamplieding om 13.00 oere by de haven fan Harns. De fyts giet mei op de boat en meiinoar fytse jim mei de kamplieding fan West nei Hoarne (12 km.). Dêr leit de Folkshegeskoalle yn de Hoarnske bosk, tichtby it doarp, ien kilometer fan it strân. |