Folkshegeskoalle Schylgeralân
Der kinne noch in pear by...!
Fotokurus op 'e Folkshegeskoalle
24–28 juny 2013
De fotokursus op Skylge is in learsume kuiertocht oer ús prachtige eilân. Jo meitsje kennis mei in miks fan technyk en komposysje; jo geane op paad mei jo eigen kamera, nei eigen kar allinne of yn groepkes, en meitsje opdrachten, dy’t moarns besprutsen binne.
De foto’s wurde printe en jûns besprutsen.
Sjoch: Wa makket fan in foto in slagge foto?
Wat is de Folkshegeskoalle?
Fan âlds is de Folkshegeskoalle in sintrum fan moetsjen, besinnen, kultuer. En dat is it noch hieltyd. Jo binne fan herten wolkom. Kom en genietsje! Allinnich, tegearre of mei in groep: yn dat gefal ferbliuwe jo yn ús groepsakkommodaasje. De Folkshegeskoalle is boud op ’e fûneminten fan bunkers, yn freonlike Skandinavyske styl. Wy biede groepsakkommodaasje foar groepen oant 100 persoanen en dêrneist apparteminten.
De Folkshegeskoalle jout ûnderdak oan sa'n 35 kursussen en aktiviteiten. Sjoch hjirfoar ús kursusaginda.
Us Fryske woartels binne noch sichtber oanwêzich, lykas yn ’e kursussen Fryske taal en kultuer. Us iten is licht en smaaklik en wurdt makke fan farske ingrediïnten.
Us iten
Wy litte jo graach genietsje fan it goede fan de ierde. Dêrom brûke wy farske yngrediïnten en Skylger natuertsiis, en skinke wy Fair Trade kofje. Ek brûke wy in soad oare biologyske en lokale produkten
As jo wolle, meitsje wy mei alle plezier fegetarysk iten foar jo klear. Dat wolle wy dan graach tagelyk mei de opjefte witte.
It heart by de filosofy fan de Folkshegeskoalle om mei elkoar te iten. Jo moetsje dus oan tafel soms dielnimmers fan oare kursussen.
Miljeufreonlik toerisme
Ekotoerisme en duorsumens steane heech yn it finde op de Folkshegeskoalle. Sûnt 2010 foldogge wy oan de easken fan it miljeukeurmerk ECEAT (Europees Centrum voor Eco en Agro Toerisme) en wurde wy neamd yn de Groene Vakantiegids.
Panorama's fan de Folkshegeskoalle
Oanmelde nijsbrief
Trije kear it jier, yn april, july en novimber, ferskynt de Nijsbrief fan de Folkshegeskoalle. Dizze brief bringt jo ekstra nijs, gedichten en ynterviews. Ful hjirûnder jo e-mailadres yn en bliuw op 'e hichte !
Besjoch ús al ferstjoerde nijsbrieven yn ús argyf nijsbrieven.
Unyke lizzing Folkshegeskoalle
Fan de Folkshegeskoalle ôf is it fiif minuten fytsen of in kertierke rinnen nei it strân. It Waad is in pear hûndert meter fierder.
It natuergebiet de Koegelwieck leit koartby en grinzet oan de bosk. It lânskip yn eastlike rjochting is, ast it Hoarnske bosk efter dy litten hast, ien grut dúngebiet. Dat gebiet grinzet oan de Boschplaat, in Europeesk natuerreservaat fan tolve kilometer lang oant oan it eastlik einpunt fan Skylge.
Foar mear mooie fotos fan de umkriten fan de Folkshegeskoalle, klik op it fotoalbum.
